RECOLLIDA DE ENSERES E RESIDUOS VOLUMINOSOS E/OU PERIGOSOS
Lémbrase que o concello de Cedeira conta cun Punto Limpo e un servizo de recollida de enseres e voluminosos próximos ao domicilio, do que toda a veciñanza pode facer uso, para iso existen dúas opcións:
- Achegar os residuos ás instalacións do punto limpo de Cedeira, no polígono da Xunqueira en horario de:
Mércores de 15:30 a 19:30 h e sábados de 10:00 a 14:00 h.
- Chamar ao número de teléfono 665 571 544 para concertar cita para recollida próxima ao domicilio (nas inmediacións do contedor máis cercano) dos voluminosos.
Os residuos dos que se pode solicitar recollida próxima ao domicilio son:
- Ferralla
- Restos metálicos
- Mobles
- Colchóns (máx 2 unids)
- Electrodomésticos e aparellos eléctricos e electrónicos
Os residuos anteriormente citados, xunto cos que se relacionan a continuación, poden ser depositados no punto limpo municipal no horario establecido.
- Aceites domésticos (máx. 8L)
- Aceites minerais (máx. 5L)
- Restos de disolventes, pinturas e vernices domésticos (máx. 1Kg)
- Escombros de pequenas obras domésticas (ata 25 kg)
- Téxtiles
- Plásticos de silos e invernadoiros domésticos (ata 100 Kg)
- Baterías, pilas
- Tubos fluorescentes e lámpadas