O CONCELLO DE CEDEIRA ABRE O PRAZO PARA SOLICITAR AS AXUDAS PARA COMISIÓNS DE FESTAS
O Concello de Cedeira abre mañá o prazo de quince días hábiles para solicitar as axudas para comisións de festas, unha liña de subvencións dotada con 4.000€ e que se repartirá a partes iguais entre as entidades que presenten a solicitude e cumpran cos requisitos. O extracto da convocatoria saiu publicado onte no BOP e está colgado tamén na Base de Datos Nacional de Subvencións.
As comisións de festas que opten a estas axudas deberán presentar a solicitude a través da sede electrónica do Concello, adxuntando entre outra documentación un proxecto-memoria das actividades a realizar e a póliza do seguro de responsabilidade civil en vigor. As axudas poderán chegar a cubrir o 100% do orzamento, no seu caso, e as actividades deberán estar realizadas antes do 31 de decembro deste ano. As entidades beneficiarias deberán presentar xustificantes de abono de todos os conceptos.
DESCARGA ANEXO B.- MEMORIA-PROXECTO DAS ACTIVIDADES OU PROGRAMA A REALIZAR