Skip to content Skip to main navigation Skip to footer

RESUMO DA ORDENANZA DE PROTECCIÓN E CONSERVACIÓN DE VÍAS E CAMIÑOS MUNICIPAIS

16 de Outubro de 2025 en NOVAS

Texto íntegro publicado no BOP A Coruña nº 172 do 10 de setembro de 2025

https://bop.dacoruna.gal/bopportal/publicado/2025/09/10/2025_0000005798.pdf

O Pleno do Concello de Cedeira, en sesión ordinaria celebrada o día 29 de maio de 2025, acordou a aprobación inicial da Ordenanza de protección e conservación de vías e camiños municipais. Dito acordo quedou automáticamente elevado a definitivo ao non terse presentado reclamacións durante o período de exposición ao público, entrando en vigor o pasado 1 de outubro de 2025.

  1. Obxecto da ordenanza.

Garantir a conservación, uso axeitado e seguridade das vías e camiños de titularidade municipal.

  1. Ámbito de aplicación.

Quedan excluídas as seguintes actividades: cortas de autoabastecemento doméstico de leña realizadas por particulares, cortas de árbores illadas, podas e clareos, traballos de roza e limpeza, eliminación de situación de perigo.

Por corta e saca de madeira entenderase a totalidade das operacións que teñan por obxecto a obtención e transporte de madeira incluíndo operacións previas ou (desprazamento dos vehículos e a maquinaria, construcción de ramplas ou accesos ás fincas, etc.) como as posteriores (preparación e depósito da madeira, carga e transporte, recollida de biomasa e transporte da mesma).

  1. Comunicación previa.

Deberase informar ao concello cunha antelación de 15 días hábiles empregando o formulario normalizado que o concello pon a disposición.

  1. Fianzas.

As empresas deberán depositar unha fianza a favor do Concello, en efectivo ou mediante aval. Atendendo ao peso máximo autorizado as contías fíxanse en:

  • 1500€ para peso máximo autorizado inferior a 16 Tm.
  • 3000€ para vehículos de 16 Tm ou máis.

A fianza poderá ser substituída pola presentación de póliza de seguro de responsabilidade civil acreditando vixencia e cobertura para os traballos a realizar.

  1. Establécense como obrigas, entre outras:
  • A sinalización das vías situadas nas zonas de extracción e depósito de madeira.
  • A exposición dun cartel ao borde da vía cos datos de contacto da empresa.
  • A limpeza de vías e xestión de residuos xerados.
  1. Infraccións e procedemento sancionador.

O incumprimento das disposicións da ordenanza poderá dar lugar a imposición de sancións económicas que varía desde os 750€ para infraccións leves ata os 3000€ para as infraccións moi graves, podendo ser reiterativas semanalmente mentras se manteña a situación de infracción tipificada.

  1. Responsabilidade.

Serán responsables as persoas físicas e xurídicas en calidade de empresa realizadora dos traballos. No suposto de non identificarse a empresa, as responsables serán as persoas propietarias das parcelas nas que se teñan realizado as actividades.

O concello ponse á súa disposición para calquera aclaración ou información adicional sobre a aplicación desta ordenanza. Poden dirixirse ás oficinas municipais , contactar a través do nº de teléfono 981 480 000 ou no correo electrónico correo@cedeira.gal.

Back to top