Teatro Ghazafelhos presenta: Ándale, Bon appêtit!

Sábado 14 de xuño ás 19.00h no Auditorio Municipal de Cedeira.
Entrada 2,5€ – Público Familiar

Ándale, Bon appêtit! é unha reposición da exitosa obra de teatro Ghazafelhos ‘Bon Appêtit’. Nesta ocasión, os nosos queridos chefs Felipe, Antonio e Francisco prepararán deliciosos pratos mexicanos facendo un pequeno repaso pola historia do país. Tamales, enchiladas, tacos… unha chea de receitas aderezados co humor dos Ghazafelhos e acompañadas coa aparición de personaxes como Pancho Villa ou Frida Kahlo. Coma sempre, a participación do publico será imprescindible. A peza foi finalista a mellor proposta para público familiar nos Premios María Casares 2024.