Entroido Cedeira 2026

O desfile de hoxe sábado abrirá o programa de Entroido do Concello de Cedeira, que continuará os días seguintes.
Comenzará ás seis tarde coa saída do desfile desde a estación de autobuses, irá pola avenida Castelao, dará a volta ás dúas pontes e rematará na praza Roxa. Alí as comparsas e grupos participantes poderán subir ao escenario para cantar e bailar e o xurado designado polo Concello valorará o vestiario, maquillaxe, o traballo feito a man, o emprego de materiais de refugallo, orixinalidade, coreografía, letra e música empregadas, simpatía e número de participantes. Darase a coñecer o fallo e entregaranse os premios antes do comezo da verbena. Haberá unha carpa baixo a que se vai celebrar unha verbena amenizada polo grupo La Conexión.

O domingo, día 15, haberá xogos e obradoiros na praza Roxa, de 17.00 a 20.00h. Para a noite do luns, a partir das 23.30h, está programada unha nova verbena nocturna na praza Roxa, desta volta coa orquestra Salsarena. O martes 17, de 17.00 a 20.00h, haberá inchables e máis xogos no Polideportivo Municipal.